一大早爬起身睇湖人对马刺嘅back to back game,呢场係湖人连续第二日第二场嘅德州之旅,亦都係西区排名比较有影响力嘅赛事,一场胜负可以当两场.但非常之可惜,湖人一分落败咗...

 

成场波都比较胶着,比分一直都咬得比较紧,作为湖人嘅fans,睇到湖人大部分时间都处于落后,直到最大分差去到11pts,心情都可谓比较郁闷.当Kobe喺死角射入一个三分,再联手POWELL打出一波9-0嘅run,甚至到后来领先马刺3pts,简直睇到热血沸腾.但真係非常可以,最后咁都输,心情就好似坐过山车咁,去到最高点一下冲咗落嚟...老鱼FISHER最后10秒咁都犯咗Roger MASON,搞到俾人打三分成功,反领先1pt,真係同佢34岁嘅经验有D唔相衬.俾佢射就算啦,大不了落得个平手,而且最后有球权,就算入唔到波都仲可以打OT,哎! Last 10秒Kobe应该自己上,或者有更大嘅绝杀机会,好交唔交交咗俾ARIZA,佢第四节都发挥麻麻,好衰唔衰仲搞个走步turnover...可以讲,今日输就输喺最后一分钟几个选择性上嘅失误.

 

呢场输咗,联盟第一就落到骑士嗰度啦,虽然对湖人拿西区冠军进入总决赛嘅信心比较大,但总决赛点讲都好,多一个主场就係多一份保障,赛季胜率始终都係唔可以放手嘅!对住东区嘅骑士,塞尔特人,甚至魔术,冠军决胜嘅关键就喺毫厘之间.

 

未来几日仲要应付魔术同骑士呢两场难啃嘅back to back,要继续努力啊!搞掂HOWARD同LBJ,保持一下胜率.Keep going, LA Lakers!